مقدمه : دايو څرګند حقيقت دی چی اقتصاد ديوه هيواد لپاره دمـــلا د تير حيثيت لری لکه ځرنګه چی ديوه انسان دملا تير مات ګوډيعنی خراب شی نودهغه انسان دوجو دټول توازن اونظام ګډوډکيږی اوپه سالم ډول فعاليت نشی کولای ، اوپه همدغه حالت کښی نوموړی انسان دژونددسختو مشکلاتو سره مخامخ کيږي. همدارنګه که چيرته ديوه هيواد اقتصاد کمزوری اوبحرانی وی، نوپه دغه حالت کی  دنوموړی هيواداو دولت وګړی له سختو ستونزوسره مخامخ کيږی لکه دژوند دسطحی ټيټوالی، صحی مشکلات رامنځته کيدل ، دامنيت له منځه تلل ، دنظامی قوت ختميدل، دتعليم او تربيی دسطحی  ټيټوالی  ، دبيکاری زياتيدل ، دفقراوغربت پيداکيدل ، په  سياسی ډګرکښی وروسته  پا تی کيدل ، اوداسی نور. نو ويلای شو چی اقتصاد درلودل دهرهيواد اولنۍ اړتياده .دقوی او غښتلی اقتصاد لپاره   ټول هغه هيوادونه چی سرمايه داری اقتصادی نظام لری خصوصی سکتور ته اړتيا لری . ځکه چی اقتصادی ازادی دسرمايه داری نظام يو ه مهمه ځانګړتياده، خصوصی سکتور داقتصاد هغه برخه ده چه ددولت په ځای په خصوصی وګړواومو سساتو پوری تړلی وی . خصوصی سکتور عموما دخصوصی وګړوله خواپه مخ بيول کيږی نه ددولت له خوا.د خصوصی سکتور کاری ،مالی ،او توليدی پلانونه ددولت لخوانه بلکه پخپله د خصوصی متشبثينو له خوا پرمخ بيول کيږی.دادهغو په اختيار کی ده چی په کومه کچه توليد کوی او توليدی منابع له کومه ترلاسه کوی ، په کوم بازار کی يی پلوری ،او قيمت يی په کومه کچه تعينوی ،خصوصی سکتور که خارجی وی که داخلی وی ديوه هيواد په اقتصادی وده اوپرمختګ کی مهم رول لوبوی، خودابايد په نظرکی ولرو چه دولت بايددخارجی خصوصی سکتور په نسبت داخلی خصوصی سکتورته ترجيح ورکړی ..داځکه که چيری خارجی سکتورونه اوخارجی پانګوال خپلی پانګی له کوربه هيواد ځخه کوم بل هيواد ته انتقال کړی ممکن نوموړی هيواد دسخت اقتصادی بحران سره مخامخ شی خصوصی سکتور دتوليد دکميت او کيفيت دښه والی ، دقيمت دټيټ والی اودعامووګړو دزيات منفعت دلاس ته راوړلويوه ښه اواغيزمنه وسيله ده.خصوصی سکتور ديوه هيواد اقتصادی څرخ په حرکت راولی او دهيواد داقتصادی ودی لپاره دانجن حيثيت لری خوداچی په اوسنيو شرايطو کی دافغانستان دخصوصی سکتور وضع ولی خرابه ده؟